linked inyoutube

facebookicon-twitter-32x32

 

Jongste Nuus

Die FW de Klerk Stigting skryf gereeld artikels oor tersaaklike aangeleenthede, ondersteun taal- en kultuurregte en neem deel aan die nasionale debat oor rasse- en kultuuraangeleenthede. Die Stigting bevorder ook kommunikasie deur konferensies en werkswinkels aan te bied.

FARM SPADE opt

‘n Eerste nasionale dialoog oor grondhervorming het einde Maart in Johannesburg plaasgevind. Die dialoog is op versoek van die ANC-lede van die parlementêre grondwetlike hersieningskomitee georganiseer, waarskynlik in ‘n poging vir die Ramaphosa-deel van die ANC om eienaarskap van die proses te neem, nadat die EFF (en die Zuma-ondersteuners) vir lank die pas in hierdie debat aangegee het.

Die uitsprake van ANC ampsdraers by die dialoog het ‘n paar interessante en belangrike sake na vore laat kom. Die amptelik gedokumenteerde Nasrec-besluit oor grondhervorming verskil op belangrike punte met mediaberigte ná die konferensie. Grondhervorming moet met groter vasberadenheid nagevolg word, as deel van die program van radikale sosio-ekonomiese transformasie. Onteiening sonder vergoeding (OSV) behoort een van die sleutelmeganismes te wees om grondhervorming te laat plaasvind. In die implementering daarvan moet verseker word dat toekomstige belegging in die ekonomie nie ondermyn word nie (my kursivering) en dat landbouproduksie en voedselsekerheid nie geskaad word nie. Implementering moet ook nie ander sektore van die ekonomie skaad nie (my kursivering). Daarby moet op grond in die regering se besit gefokus word, veral grond wat versaak, onbenut en onderbenut is (nie in die eerste plek landbougrond nie). Die voorwaardes vir OSV in die amptelike Nasrec-besluit is duidelik sterker as wat aanvanklik berig is. Dis nóg sterker as dit vergelyk word met die haastig en slordig bewoorde amendement van die EFF se parlementêre mosie oor die verandering van artikel 25. Daarin word slegs gepraat van implementering wat “landbouproduksie laat toeneem en wat voedselsekerheid verbeter”. 

eiendom artikel 25

Die FW de Klerk Stigting (FWDKS) is gestig om die Grondwet te beskerm en te bevorder. Dit doen ons deur die werk van twee sentrums: die Sentrum vir Grondwetlike Regte (SGR) en die Sentrum vir Eenheid in Diversiteit (SED). Vir 2017 en 2018 is die algemene tema van ons werk eiendomsregte en grondhervorming.

Die keuse van die tema deur die Stigting het die huidige debat oor Onteiening Sonder Vergoeding (OSV) voorafgegaan en getuig van die Stigting se verbintenis tot grondhervorming en die verbreeding van eiendomsregte vir alle Suid-Afrikaners. Dit getuig van die Stigting se verbintenis tot grondhervorming en verbetering van eiendomsregte vir alle Suid-Afrikaners. Ons glo dat die Grondwet voldoende maniere bied om grondhervorming binne die voorskrifte van artikel 25 te bewerkstellig, en ons bly daaraan verbind.

As ‘n Stigting met sy twee Sentrums, bied ons hierdie posisie oor OSV as ‘n bydrae tot die noodsaaklike en voortgesette debat in hierdie verband. Hierdie posisie sal uitgebrei word soos wat die debat voortgaan.

T ELOFF opt

Die nuwe Ramaphosa-kabinet is een van belofte en kompromie. Die Gordhans, Nenes en Hanekoms wys dat daar iets nuuts aan die ekonomiese front kan gebeur. Die markte het dit ook raakgesien en die Rand is sterker as voordat Nene in die pad gesteek is. Aan die ander kant wys die Mabuzas, die Dlaminis en die Gigabas dat die stryd teen staatskaping, korrupsie en swak bestuur nog lank nie verby is nie.

Ná verlede Dinsdag se mosie oor onteiening sonder vergoeding voel baie Suid-Afrikaners moedeloos en verraai. Baie het gedink die ANC-besluit in Desember 2017 sou nooit geïmplementeer word nie. Ander was van die begin af skepties oor Ramaphosa - hy het immers ‘n verdeelde en verrotte ANC geëerf. Die vraag is: moet gewone Suid-Afrikaners en spesifiek Afrikaanssprekendes die nuwe regering ‘n kans gee?

My antwoord is: Ja, MAAR...

parliament interior sabc

Sedert sy noue oorwinning en verkiesing tot President van die ANC, moes Cyril Ramaphosa sy magsbasis versigtig en stadig konsolideer. Hy moet ‘n balanseertoertjie uitvoer wat betref die bekamping van korrupsie en staatskaping, en die bied van goeie regeringsbestuur aan die een kant, en die bou van eenheid en die strewe na versoening binne die ANC, aan die ander kant. In die politiek is om ‘n middeweg te vind, deel van wat enige leier die hoof sal moet bied. Die Kabinet wat gister aangekondig is, het die stempel van hierdie dilemma.

Die goeie nuus is dat hy van die ergste van die Zumaïete ontslae geraak het: Bongo, Brown, Mahlobo, Maswanganyi, Mbalula, Mkhize, Muthambi, Nhleko, Van Rooyen en Zwane. Op hierdie manier het hy “strategiese (veral ekonomies verwante) portefeuljes” gereinig en vervang met bekwame, ervare en lojale ANC-leiers. Voorbeelde van hierdie tendens is Pravin Gordhan (Openbare Ondernemings), Nhlanhla Nene (Finansies), Naledi Pandor (Hoër Onderwys en Opleiding), Lindiwe Sisulu (Internasionale Betrekkinge en Samewerking), Gwede Mantashe (Minerale Hulpbronne), Derek Hanekom (Toerisme), Blade Nzimande (Vervoer), Bheki Cele (Polisie) en Jeff Radebe (Energie). Om dieselfde rede het hy ‘n paar bekwame en getroue ministers in hul portefeuljes gehou (soos Angie Motshekga in Basiese Onderwys).

ramaphosa foter

Miljoene Suid-Afrikaners vier die vertrek van mnr Jacob Zuma, al was dit onder groot druk, aanvanklik met verset, en 'n finale afskeid op 14 Februarie net voor 23h00. Die nasie het politiek, ekonomies en sosiaal gely tydens sy korrupte en verdelende tyd in sy amp.

Die FW de Klerk Stigting is verheug dat verandering op die horison is en wens die waarnemende president, mnr Cyril Ramaphosa, geluk. Hy het die gewigtige taak om die nalatenskap van sy voorganger ongedaan te maak en Suid-Afrika op 'n weg na eenheid en vernuwing te plaas.  

Die oormag was besig om die opperhand teen mnr Zuma te kry in die laaste paar dae en ure in die aanloop tot sy bedanking, net twee ure voor 'n spertyd van middernag wat deur sy kollegas in die ANC aan hom gegee is. Die bekende slagspreuk, “...is hy gestamp, of het hy gespring?” het betrekking. Dit kom toenemend aan die lig dat aktiwiteite agter die skerms daarop wys dat die ANC se NUK 'n merkwaardige eenheid gevorm het oor die noodsaaklikheid dat Zuma moet gaan. Benewens hierdie ontwikkeling was die moontlikheid van interparty-samewerking betreffende 'n mosie van wantroue. Dit wys moontlik op 'n rypwording van die demokratiese projek in Suid-Afrika.

2 feb group pic

Op 2 Februarie 1990 het FW de Klerk, tot die verbasing van vriend en vyand - en slegs vier maande in sy pos as president - in die parlement aangekondig dat hy Nelson Mandela en ander politieke gevangenes onvoorwaardelik gaan vrylaat en die ANC en ander organisasies gaan ontban. Die doel was om die omstandighede te skep waarbinne onderhandelings oor die toekoms van Suid-Afrika kon plaasvind. Daardeur het hy die deur vir ‘n nuwe toekoms oopgemaak en is die Nobel vredesprys aan hom (en Nelson Mandela) toegeken.

Die FW de Klerk Stigting is in 1999 begin om dié belangrikste erflating van FW de Klerk te bevorder en te beskerm: die Grondwet van die Republiek van Suid-Afrika. Die Stigting gedenk 2 Februarie 1990 sedertdien elke jaar deur ‘n nasionale konferensie te hou. Die temas van hierdie konferensies word gewoonlik aan die mees brandende kwessies in die land gewy.

Hierdie jaar was die tema “Anderkant staatskaping en korrupsie”. Die bedoeling was om verby die ontleding van die ontstaan en beoefening van staatskaping te probeer beweeg en die gehoor (en die land en sy mense) hoop te gee vir ‘n beter toekoms. Die woorde en optrede van nuutverkose ANC-president, Cyril Ramaphosa, is versigtig verwelkom. ‘n Mens kon nie anders as om te wonder hoe dit moontlik sou wees om so ‘n onderwerp aan te raak as Nkosazana Dlamini-Zuma as ANC-president verkies was.

Goodwill 2018

Die Raad van Trustees van die FW de Klerk Stigting ken die FW de Klerk-welwillendheidstoekenning vir 2018 toe aan Gift of the Givers, wie se pogings “aktief ten doel het om brûe te bou tussen mense van verskillende kulture en gelowe, en om welwillendheid, harmonieuse naasbestaan, verdraagsaamheid en wedersydse respek mee te bring …” 

Die Raad het besluit om die Welwillendheidstoekenning toe te ken aan Gift of the Givers - die grootste NRO vir rampreaksie uit Afrika op die Afrika-vasteland - ter erkenning van hul uitsonderlike lewensveranderende, lewensreddende werk. Die organisasie, wat in 1992 gestig is, het vandag 21 katagorieë van projekte, wat gebiede dek soos gesondheid, onderwys, landbou, volhoubaarheid, lewensvaardighede, werkskepping en entrepreneurskap, voedingskemas, sport en kultuur en warmte in die winter.

Jaarverslag2017 opt'n Opsomming van die hoogtepunte en aktiwiteite van die FW de Klerk Stigting gedurende die jaar onder oorsig.

 

 

 

 

 

 

Kontak Ons

phone

FOON: +27 (0) 21 930 36 22
FAKS: +27 (0) 21 930 38 98

email E-POS: 
Hierdie e-posadres word van Spambotte beskerm. Jy moet JavaScript ontsper om dit te lees.
address FISIESE ADRES:
Zeezicht-gebou, Tygerberg Park, 
Uys Krige-rylaan 163, Plattekloof, 
Kaapstad, 7500, Suid-Afrika
  POSADRES: 
Posbus 15785, Panorama, 7506, Suid-Afrika

Jongste Tweets

FWdeKlerkFoun RT @theCFCR: [INVITATION] Join @theCFCR @SAIFAC_UJ interactive seminar next week in Johannesburg. The topic: "Assessing the Performance of…
FWdeKlerkFoun RT @regentsuni: Looking forward to hosting this event with @TutuFoundation tomorrow! @FWdeKlerkFoun, @LordHastings, @thatginamiller, Quenti…

Teken in op ons Nuusbrief

Newsletter

Bly op hoogte van ontwikkelinge wat die Grondwet kan affekteer, met inbegrip van konsepwetgewing.