linked inyoutube

facebookicon-twitter-32x32

 

Jongste Nuus

Die FW de Klerk Stigting skryf gereeld artikels oor tersaaklike aangeleenthede, ondersteun taal- en kultuurregte en neem deel aan die nasionale debat oor rasse- en kultuuraangeleenthede. Die Stigting bevorder ook kommunikasie deur konferensies en werkswinkels aan te bied.

VERKLARING: MANDELA-DAG 2017

NMF MandelaDay Logo SA Colour opt

Op Dinsdag, 18 Julie sal die personeel van die FW de Klerk Stigting deelneem aan verskeie aktiwiteite ter herdenking van Mandela-dag. Die span sal die oggend spandeer om stimulasie-pakkies by Autism Western Cape te maak, en hulle sal die middag die tuinmure by Iris House Children’s Hospice verf.

Internasionale Nelson Mandela-dag is in 2009 deur die Verenigde Nasies ingestel om voormalige President Nelson Mandela se leeftyd van diens aan Suid-Afrika en die wêreld te gedenk. Hierdie jaar word burgers aangemoedig om stappe te doen teen armoede te verlig op 'n manier wat volhoubare verandering teweeg sal bring.

Beide Autism Western Cape, asook Iris House, verleen noodsaaklike dienste aan kinders met gestremdhede, asook ondersteuning aan hul families - gratis. Deur saam te span met hierdie waardige organisasies, nie net om 67 minute van dienslewering vir Mandela-dag te gee nie - maar regdeur die jaar, dra die Stigting by tot die herstel van waardigheid en om die wêreld ten goede te verander.

VERKLARING OOR DIE MYNHANDVES VAN 2017

mineworkers foter

Die FW de Klerk Stigting neem met groot kommer kennis van die publikasie van die Mynhandves van 2017. Vrydag het die aandele van mynmaatskappye met 'n gemiddeld van meer as 5% geval. Sommige raam dat soveel as R50 miljard van hul markwaarde uitgewis is.

Die Grondwet het 'n grondwetlike verantwoordelikheid en regsplig om swart Suid-Afrikaners te bemagtig, en die Stigting steun hierdie belangrike doelwit. Gegewe wie die Minister is, die vrae rondom hom oor die #GuptaLeaks en sy verbintenis met hulle, wonder ons egter wie die werklike begunstigdes is. Om eerlik te wees, ons is bekommerd dat 'n Minister wat strafregterlik aanspreeklik is en moontlik oneerlik is, die vermetelheid het om sulke groot veranderinge aan te bring aan een van die belangrikste ekonomiese pilare van die land, terwyl die land in die moeilikheid is wat die ekonomie betref. Ons kan nie anders as om te vermoed dat hy die belange dien van die kapers van SA Bpk in die naam van transformasie nie. Die ANC, wat 'n dringende vergadering met Minister Zwane aangevra het, het klaarblyklik dieselfde bekommernis.

VERKLARING: FW DE KLERK STIGTING VERWELKOM ONDERSOEK NA MINISTER SE AANSPREEKLIKHEID

SABreakingnewsSASSA opt

Die FW de Klerk Stigting verwelkom die besluit van die Konstitusionele Hof dat ondersoek ingestel moet word na die moontlikheid van die Minister van Maatskaplike Ontwikkeling (die Minister) se persoonlike aanspreeklikheid vir die koste in die saak betreffende maatskaplike toelae. In 'n saak waar die lewensbestaan van 17 miljoen Suid-Afrikaners wat van maatskaplike toelae afhanklik is, bedreig is weens die Minister se versuim om haar werk behoorlik uit te voer, dien die persoonlike aanspreeklikheid vir die koste as afskrikmiddel vir ander staatsbeamptes wat nie aan hul toesighoudende funksies oor staatsdepartemente voldoen nie.

Die Staatsdienskommissie se jaarverslag vir 2015/16 wys daarop dat die Kantoor van die Staatsprokureur soveel as 70% van sy sake verloor. Hierdie syfer duiop ondoeltreffende en onekonomiese gebruik van finansiële bronne, in direkte teenstryd van die Grondwet, wat basiese waardes en beginsels van openbare administrasie onderskryf.

VERKLARING: NUWE ADJUNKHOOFREGTER RAYMOND ZONDO - KONSTITUSIONELE HOF

CONCOURT FOTER opt

Die FW de Klerk Stigting wens Regter Raymond Zondo geluk met sy onlangse aanstelling in die amp van Adjunkhoofregter in die Konstitusionele Hof.

Regter Zondo het tot op datum  'n vooraanstaande regsloopbaan gehad. Van 'n nederige begin in KwaZulu-Natal, het hy sy loopbaan by wyle Victoria Mxenge begin, waar sy belangstelling in menseregte gegroei het. 'n Merkbare loopbaanhoogtepunt was sy aanstelling as lid van die Goldstone-kommissie, wat deur voormalige President De Klerk ingestel is om politieke geweld en intimidasie van Julie 1991 tot die eerste algemene verkiesing in 1994 te ondersoek.  

VERKLARING: WIE WORD RYKER EN WIE WORD ARMER?

STATSSA

Statistiek Suid-Afrika (StatsSA) het pas die jongste indiensnemingstatistieke bekendgestel. Die werkloosheidsyfer van 27.7% is nou die hoogste in 14 jaar. As diegene wat opgehou het om werk te soek, ingesluit word, is dit ‘n enorme 36.4%!

Hierdie tragiese en onstellende nuus word onderdruk deur die “groter” stories van staatskaping, Gupta-e-posse wat uitgelek is, en korrupsie en wanbestuur in ondernemings in staatsbesit, soos Eskom en SAL. Hierdie stories het een goue draad wat deur hulle loop: verryking van ‘n paar op enige korrupte manier moontlik, deur staatsgeld en staatsmag vir persoonlike voordeel te gebruik.

VERKLARING: ONLANGSE AANVALLE OP FW DE KLERK, DIE VOORSITTER EMERITUS VAN DIE FW DE KLERK STIGTING

FWDK 2017 2 FEB

Die deelname van voormalige President FW de Klerk aan die byeenkoms van die National Foundations Dialogue Initiative (NFDI) op Vrydag, 5 Mei, het ongeregverdigde aanvalle op hom ontlok deur verskeie politieke leiers, kommentators en mediapersoonlikhede. Die NFDI bestaan uit agt stigtings wat met voormalige Suid-Afrikaanse leiers verbind word, wat saamgekom het om 'n dialoog te begin tussen Suid-Afrikaners binne die raamwerk van die Grondwet om die ernstige uitdagings aan te pak wat Suid-Afrika in die gesig staar.

Die algemene aanslag van die aanvalle - wat bitter en ongegronde beskuldigings insluit - was dat FW de Klerk nie aan die nasionale debat moet deelneem nie omdat hy die “laaste apartheid president” is, en skuldig is aan ernstige skendings van menseregte.

ARTIKEL: DIE MITE VAN DIE HONGER NA LANDBOUGROND

landscape opt

Grondhervorming, veral van landbougrond, word deesdae amper ‘n sjibolet vir die Suid-Afrikaanse politiek. Die redenasie van die gepaardgaande retoriek het gewoonlik die volgende elemente:

“Grond is welvaart, en as mens eers grond besit, kan jy met daardie welvaart al die ander goeie dinge koop”. En hiermee word meestal landbougrond bedoel.
“Wit mense het histories swart mense se grond afgevat en dit moet teruggegee word”.
“Swart mense besit na 24 jaar van demokrasie, steeds net 9.8% van die bewerkbare grond in SA”.
“Daar is ‘n grondhonger vir landbougrond onder ons mense, soos in Zimbabwe, en as ons nie daaraan gehoor gee nie, sal ons die pad van grondbesetting en -konfiskering volg”

Onderliggend aan hierdie argumente is dat niks of baie min sedert 1994 gebeur het en dat radikale stappe nodig is om (landbou)grond aan swart mense terug te gee, soos om grond sonder vergoeding te onteien. Wat is egter die ware prentjie?

ARTIKEL: VRYHEIDSDAG - IS DAAR IETS OM TE VIER?

sa flag foterSoos met ander historiese gebeurtenisse, onthou baie Suid-Afrikaners 27 April 1994 nog steeds baie goed. Die dag van lang stemtoue en goedgesindheid, die gevoel van ‘n nuwe begin… Dit was die geboorte van die “Nuwe Suid-Afrika”.

En daarna het baie Vryheidsdae gevolg. Baie Suid-Afrikaners, veral dié wat 1994 beleef het, sal vanjaar se Vryheidsdag as die laagtepunt van alle Vryheidsdae beskou.

Hoekom? Omdat ons sien wat op politieke, ekonomiese en maatskaplike gebied om ons gebeur. Daar is groot spanning in die regerende party - oor die huidige president, maar ook in die leierstryd vir ‘n nuwe president. Daar is sprake van korrupsie, en staatskaping deur regeringsleiers en amptenare. Ons sien dat die ekonomie stagneer en dat ons land se finansiële stelsel basies na rommelstatus afgradeer is. Ons beleef rassespanning en ‘n klaarblyklike totale gebrek aan versoening en gedeelde waardes.

Verdere Artikels...

Kontak Ons

phone

FOON: +27 (0) 21 930 36 22
FAKS: +27 (0) 21 930 38 98

email E-POS: 
Hierdie e-posadres word van Spambotte beskerm. Jy moet JavaScript ontsper om dit te lees.
address FISIESE ADRES:
Zeezicht-gebou, Tygerberg Park, 
Uys Krige-rylaan 163, Plattekloof, 
Kaapstad, 7500, Suid-Afrika
  POSADRES: 
Posbus 15785, Panorama, 7506, Suid-Afrika

Jongste Tweets

FWdeKlerkFoun [READ] Article by #CUD Director, Ms Zohra Dawood "A Heritage Under Strain" https://t.co/KmKRJfQfiN #HeritageDay2017 https://t.co/gGLThbv5TL
FWdeKlerkFoun RT @theCFCR: Thank you to all the guests and delegates at today's @SaUbuntu @theCFCR #Engen @MatshiqiAubrey Networking Breakfast https://t.…

Teken in op ons Nuusbrief

Newsletter

Bly op hoogte van ontwikkelinge wat die Grondwet kan affekteer, met inbegrip van konsepwetgewing.