linked inyoutube

facebookicon-twitter-32x32

 

Mediaskakelpersone

Dr Theuns Eloff

theuns eloffUitvoerende Direkteur, FW de Klerk Stigting

Dr Eloff is in 1955 in Potchefstroom gebore en het ‘n Meestersgraad in Teologie aan die Potchefstroomse Universiteit vir Christelike Hoër Onderwys behaal. Hy het vir ses jaar as dominee in die Gereformeerde Kerk in Brooklyn, Pretoria gedien, en het tydens hierdie tydperk sy doktorsgraad in Teologie behaal.

Na afloop van sy deelname aan ‘n vergadering met verteenwoordigers van die ANC in Dakar in 1987, het hy die bediening verlaat en by die Consultative Business Movement (CBM) aangesluit. Ná sy aanstelling as Uitvoerende Direkteur van die CBM in 1990, was hy betrokke by die proses wat gelei het tot die Nasionale Vredeskonvensie en die Nasionale Vredesverdrag in September, 1991. Hy het later gedien as die hoof van die proses- en sekretariële dienste van die konvensie vir 'n demokratiese Suid-Afrika (KODESA) en het gevolglik waargeneem as Hoof van die Administrasie van die Veelparty-onderhandelingsproses. In die aanloop tot die eerste nie-rassige nasionale verkiesings in April 1994 is dr Eloff gesekondeer om as Adjunk Uitvoerende Direkteur op die Uitvoerende Oorgangsraad te dien. In Februarie 1995 is hy aangestel as Hoof Uitvoerende Beampte van die Nasionale Besigheidsinisiatief vir Groei, Ontwikkeling en Demokrasie. Op 1 Januarie 2002 is dr Eloff aangestel as Visekanselier en Rektor van sy voormalige universiteit, die Potchefstroomse Universiteit vir CHO. Toe die universiteit saamgesmelt het met die Universiteit van die Noordwes in Mafeking in 2004 om die Noordwes-universiteit te vorm, het dr Eloff die nuwe universiteit se eerste Visekanselier en Rektor geword. Hy het in dié amp gedien tot 2015. Dr Eloff is in 2016 aangestel as die uitvoerende direkteur van die FW de Klerk Stigting.

Kundige op die gebied van:

  • Huidige uitdagings:
    Onderwys, werkloosheid, ongelykheid


Phephelaphi Dube

PD DIRECTORDirekteur, Sentrum vir Grondwetlike Regte

Me Dube het ’n LL.B-graad aan die Universiteit van Fort Hare behaal, ’n LL.M-graad aan die Universiteit van Stellenbosch, sowel as ’n diploma in Europese Studies aan die Universiteit van Wene. Sy het haar leerkontrak in 2006 by die Rhodes-universiteit se regshulpkliniek voltooi en internasionale ervaring opgedoen as klerk vir die Adjunkpresident van die Internasionale Kriminele Hof. Met haar terugkeer na Suid-Afrika in 2007 het me Dube ‘n assistentskap in navorsing van twee jaar aan die Universiteit van Stellenbosch se Suid-Afrikaanse Navorsingsleerstoel in Sakereg voltooi. In dieselfde tydperk het sy ook navorsing in eiendomsreg aan die Universiteit van Kent in Canterbury gedoen.  

Voordat sy in Januarie 2014 by die Sentrum vir Grondwetlike Regte (SGR) aangesluit het, het me Dube ‘n navorsingsgenootskap beklee aan die Ludwig Boltzman Instituut vir Menseregte aan die Universiteit van Wene. 

Kundige op die gebied van:

  • Algemene grondwetlike aangeleenthede, met spesifieke fokus op eiendomsregte, menseregte en internasionale reg

Zohra Dawood

Zohra optDirekteur, Sentrum vir Eenheid in Diversiteit

Zohra Dawood is aangestel as direkteur van die FW de Klerk Stigting se Sentrum vir Eenheid in Diversiteit vanaf 17 Oktober 2016.

Zohra Dawood het grade in regte en ‘n Meestersgraad in ekonomiese geskiedenis. Sy het vir ‘n dekade gewerk as hoofnavorser vir ‘n grondregte-organisasie. Ná 1994 het sy saam met die Departement van Grondsake en Landbou gewerk, waar sy betrokke was in beleidsformulering en -implementering, met inbegrip van onderhandelings en skikkings met betrekking tot grondeise. Me Dawood was ‘n adviseur vir kabinetslede en was ‘n adviseur van die Presidensie van Nelson Mandela. Sy het ook vir die Departement van Verdediging gewerk met die opstel van wetgewing en beleide oor grond en die omgewing. In 1999 het sy by die Soros Network se Open Society Foundations (OSF) aangesluit en is aangestel as Uitvoerende Direkteur. Benewens haar verantwoordelikhede ten opsigte van Suid-Afrika en Afrika-programme vir die Open Society Foundations, is sy aangestel om die OSF se ondernemings in Indonesië te lei as Streeksdirekteur, waar sy ‘n OSF-instelling bestuur het wat ten doel gehad het om demokrasie en ‘n oop samelewing te institusionaliseer in die grootste Moslemland ter wêreld.

Me Dawood was internasionaal aktief betrokke by belangrike kwessies met betrekking tot menseregte en internasionale geregtigheid, maatskaplike, ekonomiese en regshervorming en die bevordering van onafhanklike media. Sy het vir die media geskryf en wyd voorleggings gemaak by konferensies en seminare en was aktief betrokke by kwessies wat verband hou met buitelandse beleid en internasionale betrekkinge, deur die Suid-Afrikaanse Inisiatief vir Buitelandse Beleid, wat sy in 2011 gestig het.

Sy is sedert November 2013 ‘n professionele genoot van die Zamyn, ‘n onafhanklike analitiese organisasie wat werksaam is by die kruising van sosio-ekonomiese, politieke en kulturele teorie en praktyk.

Me Dawood is in 2013 gevra om by AgangSA aan te sluit onder leierskap van dr Mamphela Ramphele, vir ‘n tydperk van ses maande. Dit het die daarstelling behels van ‘n nuwe politieke platform om demokrasie in Suid-Afrika te versterk.

Voordat sy by die FW de Klerk Stigting aangesluit het as Direkteur van die Sentrum vir Eenheid in Diversiteit, het me Dawood uit haar gemaksone beweeg om die pos van Hoof van Besigheidsontwikkeling en Fondsinsameling by die Kaapstadse Filharmoniese Orkes (KFO) te aanvaar. Dit het die bestuur van die besigheidstrategie en fondsinsamelingsinisiatief vir die KFO behels, met inbegrip van die aanpak van kwessies betreffende diversiteit, die bou van loopbaanrigtings vir talentvolle musikante en, meer belangrik, die finansiële volhoubaarheid van die KFO, wat gegroei het van ‘n organisasie wat in die rooi was, na een wat nou sy eie skenkingsfonds bestuur. 

Kundige op die gebied van:

  • Algemene grondwetlike aangeleenthede, met spesifieke fokus op taal, kultuur en geloof. 

icon-statementsIndien jy ’n woordvoerder van die FW de Klerk Stigting wil nooi om by jou geleentheid te praat, vul asb ons ‘versoek ’n spreker’-vorm in.

 

 

Kontak Ons

phone

FOON: +27 (0) 21 930 36 22
FAKS: +27 (0) 21 930 38 98

email E-POS: 
Hierdie e-posadres word van Spambotte beskerm. Jy moet JavaScript ontsper om dit te lees.
address FISIESE ADRES:
Zeezicht-gebou, Tygerberg Park, 
Uys Krige-rylaan 163, Plattekloof, 
Kaapstad, 7500, Suid-Afrika
  POSADRES: 
Posbus 15785, Panorama, 7506, Suid-Afrika

Jongste Tweets

FWdeKlerkFoun RT @theCFCR: [READ] Latest article from @theCFCR Director, Ms Phephelaphi Dube: "Shining a spotlight on political parties" https://t.co/iSp
12hreplyretweetfavorite
FWdeKlerkFoun [READ] Foundation statement on the Constitutional Court's recent #MyVoteCounts #PoliticalPartyFunding matter… https://t.co/MZVrAMR8Jy
16hreplyretweetfavorite

Teken in op ons Nuusbrief

Newsletter

Bly op hoogte van ontwikkelinge wat die Grondwet kan affekteer, met inbegrip van konsepwetgewing.